துங்க்ருஸ் - A helpless lover
' துங்க்ருஸ் ' என்றால் ஏதோ ஒரு மொழியில் , வேறொரு பொருளில் அடாவடித்தனமான சேவல் என்று பொருள் . ருக்மிணி பாய் (Shabana Azmi) நடத்தும் விபச்சார விடுதியில் அத்தனை பெண்களுக்கும் ' துங்க்ருஸ் ' தான் ஒரே வேலைக்காரன் , நண்பன் காவல்காரன் . தன் பெயருக்கு நேரெதிரான குணம் கொண்டவன் இந்தக் கதையின் ' துங்க்ருஸ் '(Naseeruddin Shah). அவன் குற்றேவல் புரியும் விடுதிப் பெண்களுக்கு அவன் இல்லையென்றால் அந்நாள் ஓடுவதே சிரமம்தான் . அதிலும் குறிப்பாக ருக்மணியின் உதடுகள் பொழுது புலர்ந்து அடங்கும் வரை ' துங்க்ருஸ் ' என்ற பெயரை ஓயாமல் உச்சரித்தன . விடுதிக்குப் புதிதாக வரும் பெண்களைச் சமாளிப்பதிலிருந்து , ருக்மிணியும் அவளது பெண்களும் சந்திக்கும் அத்தனை சவால்களிலும் உடனிருக்கும் துங்க்ருஸின் இடமென்னவோ விடுதிக்கு வெளியே ஒதுக்குப்புறமான ஒரு கூரையின் கீழ்தான் . ருக்மிணியை அவன் எச்சரிக்கிறான். அதையுமே அழுது கொண்டுதான் செய்கிறான். "இதெல்லாம் பொய் ருக்மிணி, இந்தக் கட்டிடத்தின் சுவர்களைக் கரையான்கள் தின்று கொண்டிர