Hamartia-The Tragic Flaw.

   நீ ங்கள் மிகவும் நேசிக்கும் ஒருவரை வெகுநாட்கள் கழித்து ஒரு தெருமுனையில் சந்திக்க நேர்ந்தால் என்ன  செய்வீர்கள் . முராகாமியின் உலகத்தில் நீங்கள் அவர்களுக்கு ஒரு கதை சொல்வீர்கள் . இந்தக் கற்பனை எனக்குப் பிடித்திருக்கிறது . நான் முராகாமியின் வாசகியானதும் அவ்வாறான ஒரு யதார்த்தத்தை மீறிய கற்பனைதான் .      எனது காதலர்கள் ஒவ்வொருவரும் என்னைச் சகிக்கவியலாத ஒரு வலியாகக் கருதி என்னை விட்டு விலகிய தருணங்களை நினைத்துப் பார்க்கிறேன் . அவர்களில் ஒருவர் கூட அவ்வலியை எனக்குக் கடத்தாமல் சென்று விடவில்லை என்பதுதான்   இன்றளவும் எனக்கு வேடிக்கையாகத் தோன்றும் விஷயமாக இருக்கிறது . முராகாமியின் கதாநாயகர்கள் அப்படிச் செய்பவர்கள் அல்ல . அவர்கள் தங்களது காதலிகளை ஒரு வானவில் இரசிப்பது போல் இரசிக்கின்றனர் . சில நொடிகள் மட்டுமே அணுக்கம் காட்டும் காலைப் பனியையும் கேள்விகளின்றி நேசிப்பது போல் காரணக் காரியத் தேவைகளின்றி நேசிப்பவர்களாக இருக்கின்றனர் . வெளிப்படுத்துதல் தரும் தேவதைகளாகப் பெண்கள் முராகாமியின் கதைகளில் வலம் வருவதைக்